Direcziun
Thomas Krefeld | Stephan LückeIl project Timeline Citar
Il project vegn ad analisar selectivamain ed analiticamain la regiun alpina en sia unitad istorica linguistic-culturala. La regiun alpina è linguisticamain fitg fragmentada tant pertutgant las linguas singulas sco pertutgant ils dialects. Grazia a la moda da proceder tschernida vegn il project preschent a surmuntar la restricziun tradiziunala da la perscrutaziun als territoris naziunals, imponida da las realitads politicas actualas, q.v.d. dals stadis naziunals. Ils champs selecziunads resguardan la natira, l'istorgia culturala ed il preschent cultural actual. Per l'analisa vegn sviluppà in conturn da perscrutaziun cumplessiv e pluriling cun plirs secturs d’activitad sebasond sin la tecnologia da medias actualas (banca da datas, georeferenziaziun, internet, software sociala; cf. Krefeld/Lücke 2021): il portal serva pia a la documentaziun (cartografia interactiva georeferenziada), a la relevaziun da datas (tras software sociala), a la publicaziun ed a l'agen svilup tras collavuraziun cun ils partenaris. L'intenziun principala è da metter a disposiziun las datas dals atlas linguistics e dals dicziunaris gia preschents (ch'èn per part mal accessiblas) en furma cumplettada, concentrala, tractada a moda pluridimensiunala ed analisada a moda istoric-linguistica. Tras la cumplettaziun (relevaziun nova cun agid da software sociala) vegn gulivà il raster ch'è dischequilibrà entras datas veglias gia disponiblas ed a medem temp vegnan superadas las inconsistenzas semanticas ed onomasiologicas. Il project vegn sustegnì da numerus partenaris da collavuraziun.VerbaAlpina s'adressescha en emprima lingia al public scientific. Ils texts explicativs sut METODOLOGIA èn relativamain spezialisads. Surtut la funcziun centrala sut CHARTA INTERACTIVA è dentant facilmain accessibla per mintgin. Als laics interessads vegn per consequenza recumandà da sa famigliarisar al cumenzament cun questa purschida. Ils filters da retschertga duessan s'explitgar per gronda part sasez malgrà la terminologia forsa nunusitada durant experimentar.
(auct. Thomas Krefeld | Stephan Lücke – trad. Irina Lutz | Susanne Oberholzer)